ဝၼ်းတီႈ 13/10/2024 ယၢမ်းၵၢင်ၶမ်ႈ 7 မူင်း ယူႇတီႈ ၸဝ်ႈသိုၵ်းလူင် ၶမ်းၵွၼ်းၸိုၼ်ႈ ၽူႈၵွၼ်းၼႃႈလိၼ်သိုၵ်းမၢႆ 1 ဢွၼ်ႁူဝ် ၸတ်းႁဵတ်းဝၼ်းၶုၵ်းထူပ်း ဢဝ်ၵုင်ႇမုၼ် ၸဝ်ႈမုၼ်ယႂ်ႇၶုၼ်ႁေႃၶမ်း တူၼ်ထူၼ်ႈ 9 ၼွၼ်းၽႄးၶွပ်ႈတဵမ် 8 ပီသေ လႆႈၸတ်းႁဵတ်းပၢင်ၶုၵ်းထူပ်း တီႈႁူင်းႁေႃးပၢင်ႇပဵင်းၾႃႉ ၼႃႈလိၼ်သိုၵ်းမၢႆ 1 လွႆၵေႃႇဝၼ်း RCSS မီးၽူႈၶဝ်ႈ ႁူမ်ႈ 919 ၵေႃႉ။ ၽူႈမီးပုၼ်ႈၽွၼ်း တီႈၼႃႈလိၼ်သိုၵ်းမၢႆ 1 လၢတ်ႈတီႈၽူႈတွႆႇႁွၵ်ႈဝႃႈ – “ၸဵမ်မိူဝ်ႈ ၸဝ်ႈႁဝ်းပႆႇၼွၼ်းၽႄးၼၼ်ႉ ၵေႃႈ ႁဝ်းၶႃႈၸတ်းႁဵတ်း ပၢင်ၶုၵ်းထူပ်းဝၼ်းၵိူတ်ႇမႃးၵူႈပီ ပေႃးထိုင်မႃးဝၼ်းတီႈ 5 ..read more

သိုၵ်းမၢၼ်ႈ ပိုၼ်ၽၢဝ်ႇဢွၵ်ႇမႃးဝႃႈ တႄႇဝၼ်း 01-15/10/1024 တႃႇၶၢဝ်းတၢင်း 15 ဝၼ်း တေႁႂ်ႈၶႃႈႁၢပ်ႇၵၢၼ်ၶုၼ် လူင်းပိုၼ်ႉတီႈ ၵဵပ်းသဵၼ်ႈမၢႆႁူဝ်ၵူၼ်း ၼႂ်းဝၢၼ်ႈၼႂ်းဝဵင်း တႃႇပၢင်လိူၵ်ႈတင်ႈ ဝႃႈၼႆသေတႃႉ ၵူၼ်းမိူင်းမႆႈၸႂ် ၵူဝ်ပဵၼ်တႃႇၵဵပ်းသဵၼ်ႈမၢႆၵူၼ်း တႃႇၾိုၵ်းၵၢၼ်သိုၵ်း။   ..read more

ၼႂ်းလိူၼ်သႅပ်ႊထႅမ်ႊပိူဝ်ႊပူၼ်ႉမႃးၼႆႉ ၵူၼ်းမိူင်းတႆးလၢႆၸႄႈဝဵင်း ထူပ်းၽေးၼမ်ႉထူမ်ႈ လူႉသုမ်းတိူၵ်ႇ ႁႆႈလွၵ်းၼႃး ႁိူၼ်းယေး ဝတ်ႉဝႃးၽႃသိူဝ်ႇ တင်းၼမ်။ မၢင်ပိုၼ်ႉတီႈ ၵူၼ်းမိူင်းၺႃးၽေးၼမ်ႉလုပ်ႇထူမ်ႈ လႆလွင်ႈၸွမ်းလူႉတၢႆ ၸိူဝ်းၼႆႉၵေႃႈမီး။ မိူၼ်ၼင်ႇ တီႈဝၢၼ်ႈပဵင်းၶမ်း ဢၼ်မီးၾၢႆႇၸၢၼ်း ဝဵင်းမိူင်းသၢတ်ႇ လႅၼ်လိၼ်တႆး – ထႆး ၼႆႉၵေႃႈ ၺႃးၼမ်ႉလုပ်ႇထူမ်ႈႁၢဝ်ႈႁႅင်းသေ ထိုင်မိူဝ်ႈလဵဝ်ႁိူၼ်းယေး တီႈယူႇတၼ်းသဝ်း ပႆႇၸၢင်ႈပူၵ်းပွင်ၶိုၼ်း။ ႁူဝ်ၵူၼ်း 200 ပၢႆ လူဝ်ႇတၢင်းၸွႆႈထႅမ် ၵူႈလွင်ႈလွင်ႈ ၼႆယဝ်ႉ။ ဝၢၼ်ႈပဵင်းၶမ်း ၸႄႈဝဵင်းမိူင်းသၢတ်ႇ ၸိုင်ႈတႆးပွတ်းဢွၵ်ႇၶူင်းၼႆႉ ၺႃးၼမ်ႉၵူၵ်းၼွင်း လုပ်ႇထူမ်ႈႁၢဝ်ႈႁႅင်း ၼႂ်းဝၼ်းတီႈ 10/09/2024 ..read more

ယၢမ်းလဵဝ် သိုၵ်းတဢၢင်း TNLA ယိုတ်းၵုမ်းလႆႈ ဝဵင်းသီႇပေႃႉယဝ်ႉသေတႃႉ ၵူၼ်းမိူင်းမႆႈၸႂ် ၵူဝ်သိုၵ်းမၢၼ်ႈ မႃးပွႆႇမၢၵ်ႇသႂ်ႇၶိူဝ်းယႂ်း မိူၼ်ဝဵင်းလႃႈသဵဝ်ႈတင်း ဝဵင်းသႅၼ်ဝီ ဝႃႈၼႆ။ ဝၼ်းတီႈ 13/10/2024 ယၢမ်းၵၢင်ၼႂ်မွၵ်ႈ 2 မူင်းၼႆႉ သိုၵ်းတဢၢင်း TNLA ယိုဝ်းတိုၵ်းလႆႈ တပ်ႉသိုၵ်းမၢၼ်ႈၶလယ 23 ဢၼ်ပၵ်းဝႆႉၾၢႆႇႁွင်ႇဝဵင်း ယၢၼ်ဝဵင်းမွၵ်ႈ 4 လၵ်း ၼႂ်းၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႉ ဝၢႆးယိုတ်းလႆႈယဝ်ႉ ၾၢႆႇသိုၵ်းမၢၼ်ႈ ဢဝ်ၶိူင်ႈမိၼ်တိုၵ်း မႃးပွႆႇမၢၵ်ႇသႂ်ႇ ၸွမ်းၼႂ်းပွၵ်ႉၼႂ်းဝဵင်း ၼႆယဝ်ႉ။ ၵူၼ်းပိုၼ်ႉတီႈ ဝဵင်းသီႇပေႃႉ လၢတ်ႈတီႈၽူႈတွႆႇႁွၵ်ႈဝႃႈ – “မိူဝ်ႈဝႃး ယၢမ်းၵၢင်ၼႂ် သိုၵ်းလွႆၶဝ် သိမ်းလႆႈတပ်ႉ 23 ..read more

မိူဝ်ႈၼႆႉ ဝၼ်းတီႈ 14/10/2024 ယၢမ်းၵၢင်ၼႂ် ၽူႈယိင်းဢွၼ်ႇ 2 ၵေႃႉ သွၼ်ႉရူတ်ႉၶိူင်ႈ မႃးၸွမ်းၵၼ် လမ်းၼိုင်ႈသေ ပဵၼ်ၽေးၵိုင်ႉၵၢင်ႉ ပလၢတ်ႈလူမ်ႉ တီႈသဵၼ်ႈလူင် လွႆသထူင်ႇ ၼႂ်းဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇ လႅၼ်လိၼ်တႆး – ထႆး ၵေႃႉသွၼ်ႉတၢင်းလင်ၼၼ်ႉ ၺႃးၵႃးၽႃႇသႂ်ႇ လူႉတၢႆထင်တီႈ။ ၵူၼ်းပိုၼ်ႉတီႈ ဝဵင်းတႃႈၶီႈလဵၵ်း လၢတ်ႈတီႈၽူႈတွႆႇႁွၵ်ႈဝႃႈ – “ၽူႈယိင်းဢွၼ်ႇ 2 ..read more

မိူဝ်ႈၼႆႉ ဝၼ်းတီႈ 14/10/2024 ယၢမ်းၵၢင်ၼႂ် 12:10 မူင်းပၢႆ (တဵင်ႈၶိုၼ်းၸၢႆႉ) သိုၵ်းမၢၼ်ႈ ယိုတ်းမိူင်း ၸႂ်ႉၶိူင်ႈမိၼ်တိုၵ်း မႃးပွႆႇမၢၵ်ႇ တီႈဝၢၼ်ႈဢီႇၼၢႆး ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ၸၢၵ်ႇမၢၵ်ႇတိူဝ်ႉသႂ်ႇ ၵူၼ်းမိူင်းလူႉတၢႆ 3 ၵေႃႉ မၢတ်ႇၸဵပ်း 2 ၵေႃႉ။ ၵူၼ်းပိုၼ်ႉတီႈ ဝဵင်းလႃႈသဵဝ်ႈ လၢတ်ႈတီႈၽူႈတွႆႇႁွၵ်ႈဝႃႈ – “ၸႂ်ႈၶႃႈဢေႃႈ ပဵၼ်မၢၵ်ႇၶိူင်ႈမိၼ် သိုၵ်းမၢၼ်ႈ မႃးပွႆႇထႅင်ႈ တင်းမူတ်း 7 လုၵ်ႈ ၼႂ်းၼၼ်ႉ မၢၵ်ႇလူင်ဢၼ်မီးၼမ်ႉၼၵ်း 500 ပွင်ႇ 2 လုၵ်ႈ။ ၸၢၵ်ႇမၢၵ်ႇ တိူဝ်ႉၺႃး ၵူၼ်းမိူင်းလူႉတၢႆ 3 ၵေႃႉ မၢတ်ႇၸဵပ်း 2 ..read more

ၶၢဝ်းတၢင်းသိုၵ်းမၢၼ်ႈၵႆႉဢဝ်မၢၵ်ႇလူင်ပွႆႇသႂ်ႇဢွင်ႈတီႈဢၼ်သိုၵ်းၵဝ်ႈၵၢင်ႉ MNDAA သိုၵ်းတဢၢင်း TNLA ၵုမ်းဝႆႉၸိူဝ်းၼၼ်ႉၼႆႉ  သိုၵ်းၵဝ်ႈၵၢင်ႉ MNDAA လႄႈသိုၵ်းတဢၢင်း TNLA တီႉၺွပ်း ၵူၼ်းၸိူဝ်းဢၼ်ၶဝ်ထၢင်ႇထိူမ်ဝႃႈ ပဵၼ်ၵူၼ်းပၼ်ၶၢဝ်ႇတီႈသိုၵ်းမၢၼ်ႈၼႆသေ ၵူတ်ႇထတ်းထဵတ်ႈထၢမ်ဝႆႉ။ ယၢမ်းလဵဝ်ၵူၼ်းမိူင်းဝဵင်းလႃႈသဵဝ်ႈလၢတ်ႈဝႃႈ -ဢၼ်ၶဝ်တီႉဝႆႉမီးမွၵ်ႈ 30 ၵေႃႉလွင်ႈၼႆႉ ပဵၼ်ၶၢဝ်ႇဢၼ်ၵူၼ်းမိူင်းဝဵင်းလႃႈသဵဝ်ႈလၢတ်ႈမိူၼ်ၵၼ်တင်းဝဵင်း။ ၵူၺ်းၵႃႈၼႂ်းဝူင်ႈဝၢင်ႈၼႆႉ သမ်ႉမီးၶၢဝ်ႇလိုဝ်းၽႄႈၼႂ်းသိုဝ်ႇၼႅင်ႈသၢၼ်ဝႃႈ သိုၵ်းၵဝ်ႈၵၢင်ႉၶႃႈႁႅမ် ၵူၼ်းၸၢဝ်းမၢၼ်ႈ ၸိူဝ်းယူႇဝဵင်းလႃႈသဵဝ်ႈ – ဢၼ်ပွင်ႇၶၢဝ်ႇပၼ်သိုၵ်းမၢၼ်ႈ   ..read more

ၽူႈမီးၸၼ်ႉသုင် တပ်ႉၼမ်ႉ ၼႂ်းၸုမ်းဢႃႊသီႊယၼ်ႊ ၸိူဝ်းတေၶိုၼ်ႈႁွတ်ႈ ပၢင်ၵုမ်ၽူႈၵွၼ်းတပ်ႉၼမ်ႉ ၸုမ်းဢႃႊသီႊယၼ်ႊ ပွၵ်ႈၵမ်း(18) ၼၼ်ႉ ဢွၼ်ၵၼ်ႁွတ်ႈထိုင်ဝႆႉ တီႈၼေႇပျီႇတေႃႇသေ ႁူပ်ႉထူပ်းဢုပ်ႇဢူဝ်းၵၼ်တင်း ၸွမ် ၸိၵ်းသိုၵ်းမၢၼ်ႈ မိၼ်းဢွင်လၢႆႇ – ဝႃႈၼႆ။  ၽူႈမီးၸၼ်ႉသုင်တပ်ႉၼမ်ႉ ၸိူဝ်းႁူပ်ႉထူပ်းၵၼ်တင်း ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ၼၼ်ႉပဵၼ် မိူင်းပရူႊၼၢႆး(Brunei) ၊ မိူင်းၵမ်ႇပူးၶျႃး(Cambodia) ၊ မိူင်းလၢဝ်း (Laos) ၊ မိူင်းဝႅတ်ႉၼၢမ်း (Vietnam) ၊ မိူင်းထႆး (Thailand) ၊ မိူင်းမလေးသျႃး (Malaysia) ၊ မိူင်းဢိၼ်ႊတူဝ်ႊၼီးသျႃႊ (Indonesia) လႄႈ မိူင်းၾိလိပ်ႉပိၼ်ႊသ် (Philippines ..read more

လုၵ်ႈဢွၼ်ႇ ပၢႆႈၽေးသိုၵ်း ၸႄႈဝဵင်းမိူင်းပၢႆး ၸိုင်ႈတႆးပွတ်းၸၢၼ်း ဢွၼ်ၵၼ်ၸပ်းတၢင်းပဵၼ်ၶူမ်းၵၢႆး၊ မၢင်ၸိူဝ်း ၸပ်းပႃးတၢင်းပဵၼ် ၼၢဝ်ၶူပ်းၶိုၼ်ႈ ယၢပ်ႇၽိုတ်ႇဝႆႉ တႃႇလွင်ႈယူတ်းယႃ ဝႃႈၼႆ။ တီႈသုၼ်ပၢႆႈၽေးသိုၵ်းၼၼ်ႉ ႁွင်ႈယႃၵေႃႈ ဢမ်ႇမီး၊ မီးမေႃလုမ်းလႃး ၵေႃႉၼိုင်ႈ တင်းပၢႆႈၽေးသိုၵ်းတင်း ၸွႆႈယႃပၼ်ဝႆႉၼႆ – ၵူၼ်းပိုၼ်ႉတီႈ ၵေႃႉၼိုင်ႈလၢတ်ႈ။ လုၵ်ႈဢွၼ်ႇ ၸိူဝ်းမီးဢႃယု ၼႂ်းၵႄႈ 5 ၶူပ်ႇ ထိုင် 17 ပီ ၵမ်ႈၼမ် ပဵၼ်ၼိူဝ်ႉၼင်ၶူမ်းၵၢႆး၊ ၼၢဝ်ၶူပ်းၶိုၼ်ႈ လႄႈ ပဵၼ်ဢႆ၊ ၵူၼ်းထဝ်ႈၵူၼ်းၵႄႇ မၢင်ၵေႃႉၵေႃႈ ၸပ်းတၢင်းပဵၼ် ဢွၵ်ႇတုမ်ႇၶူမ်း တီႈတိၼ်မိုဝ်းလႄႈ တီႈႁူဝ် ဝႃႈၼႆ။ တီႈသုၼ်ပၢႆႈၽေးသိုၵ်းၼၼ်ႉ မီးလင်ႁိူၼ်း 60 ပၢႆ ႁူဝ်ၵူၼ်း 340 ..read more

ႁွင်ႈၵၢၼ် လူင်ပွင်ၸိုင်ႈတင်းသဵင်ႈလႄႈ ၽူႈမီးၸၼ်ႉ ၾၢႆႇသိုၵ်းတင်းသဵင်ႈ ၶွင်ၸုမ်းၽွင်းငမ်းၵဝ်ႈၵၢင်ႉ MNDAA ၼႂ်းတွၼ်ႈလိၼ်ၶိုၵ်ႉတွၼ်းမၢႆ 1 ၼႆႉ တေဢမ်ႇလႆႈဢွၵ်ႇၶၢဝ်းတၢင်းၸူး ဢႃႊသီႊယၼ်ႊ ASEAN ၊ ဢမေႊရိၵၼ်ႊ (American) လႄႈ ၸိူဝ်းမိူင်းဝၼ်းတူၵ်း တေဢမ်ႇလႆႈၶိုၼ်ႈ ပၢင်ၵုမ်ၵူႈမိူင်း မိူင်း ဢၼ် ၵဵဝ်ႇတင်း မိူင်းမၢၼ်ႈ။ တေဢမ်ႇလႆႈႁူပ်ႉထူပ်း ထၢမ်တွပ်ႇလူၺ်ႈတင်းသိုဝ်ႇၶၢဝ်ႇ မိူင်းဝၼ်းတူၵ်း ပႃးၸဵမ်ဢမေႊရိၵၼ်ႊ တေ ဢမ်ႇလႆႈလၢတ်ႈဢွၵ်ႇ ၶေႃႈႁပ်ႉႁၼ်ၼိူဝ်လိူင်ႈမိူင်းမၢၼ်ႈၼႆ လႆႈႁၼ်ၸုမ်းသိုၵ်းၵဝ်ႈၵၢင်ႉ ပိုၼ်ၽၢဝ်ႇ ပၼ်ၾၢင်ႉ ၼႂ်းတပ်ႉၶဝ် မိူဝ်ႈဝၼ်းတီႈ 9 ပူၼ်ႉမႃး မႅၼ်ႈၵၼ်တင်း ဝၼ်းပၢင်ၵုမ်ဢႃႊသီႊယၼ်ႊ တီႈ မိူင်းလၢဝ်း ဢၼ်တႄႇၸတ်း ဝၼ်းတီႈ 6 ..read more