गूढ माझ्या मनीचे !!
102 FOLLOWERS
I am Jayshree. I strongly believe that with a small smile, you can conquer the world too. I am very fond of speech, singing, writing, poetry, and acting. I firmly believe that "nothing is impossible". So far I have released six Marathi and one Hindi album as a lyricist. Famous singers like Suresh Wadkar, Padmaja Fenani, Devaki Pandit, Vaishali Samant, Swapnil Bandodkar, Sangeeta..
गूढ माझ्या मनीचे !!
1w ago
आकाश पेटले होते
त्या कातर संध्याकाळी
अंतरात उमटत होत्या
विरही कवितेच्या ओळी
कासाविस गूढ उदासी
चादर काळोखी वरती
श्वासांची नुसती धडपड
हृदयाच्या वेशीवरती
व्याकुळ अस्वस्थ क्षणांच्या
पलित्यांचे नृत्य सभोती
संभ्रमात मनडोहाच्या
खळबळ आगंतुक होती
विवरात कृष्ण एकांती
चाहूल कुणाची होती
अंधार भेदुनी किरणे
हलकेच उतरली होती
भ्रम संभ्रम नैराश्याचे
निमिषात वितळले होते
तिमिरात गडद रात्रीच्या
मन लख्ख उजळले होते
जयश्री अंबासकर ..read more
गूढ माझ्या मनीचे !!
2M ago
हमको किसीसे उल्फत हुई है
धरती बदलके जन्नत हुई है
उनकी जरासी बस हां हुई है
देखो दिवानी हालत हुई है  ..read more
गूढ माझ्या मनीचे !!
5M ago
मुक्त चांदणे विरघळण्याच्या आधी ये तू
प्राजक्ताच्या दरवळण्याच्या आधी ये तू
जखम केवढी जपतो झाकुन कौशल्याने
खपली निघुनी भळभळण्याच्या आधी ये तू
आठवणींनी पोखरलो आधीच केवढा
मुळापासुनी उन्मळण्याच्या आधी ये तू
रस्ता देखिल दमला चालुन माझ्या सोबत
कंटाळुन तोही वळण्याच्या आधी ये तू
मानत नाही कधीच कुठल्या अफवांना मी
किडा संशयी वळवळण्याच्या आधी ये तू
जयश्री कुलकर्णी अंबासकर ..read more
गूढ माझ्या मनीचे !!
9M ago
कोण जाणे काय होता शाप सुंदरशा घराला
एक मोठा दोर होता टांगला त्याच्या छताला
नक्र अश्रुंचा किती पाऊस अन् आक्रोश झाला
मात्र माझ्या हुंदक्याचा खूप झाला बोलबाला
रोज एखादी असावी वेदनाही सोबतीला
त्याविना येणार नाही मोलही नुसत्या सुखाला
वार झाले जीवघेणे ना कधी भांबावले मी
फक्त एका सांत्वनेचा काळजाला भार झाला
रूप सुंदर मानसीचे त्या क्षणी साकारण्याला
हो विधात्यानेच छिन्नी घेतली घडवावयाला
अंतरीच्या भावनांचा कोंडमारा फार झाला
पावसाने साथ केली आसवे लपवावयाला
मी सुखाला गाठण्याचा यत्न आटोकाट केला
"काय व्याख्या तव सुखाची," प्रश्न पाठोपाठ आला
जयश्री अंबासकर ..read more
गूढ माझ्या मनीचे !!
10M ago
सुनते सुनाते बतियाती रातें
हौले से होती मदहोश रातें
हां चांद भी तो बाहों में था तब
होती थी कितनी धनवान रातें
दिन भी खुशी से, थे जल्द ढलते
तुम्हारे लिये थी बेचैन रातें
होती कहां थी आजाद रातें
लेती थी लेकिन इल्जाम रातें
जीये जा रहा था तुम्हें गुनगुनाते
हुई जा रही थी कुर्बान रातें
गुमसुम हुई कब वो प्यारी सी बातें
लगने लगी अब ये अनजान रातें
लगती थी हमदर्द खामोश रातें
अब क्यूं हुई है बेदर्द रातें
✍️जयश्री अंबासकर  ..read more
गूढ माझ्या मनीचे !!
10M ago
जुने सोडुनी नव्या दिशेला वळते आहे
दिशा मनाची पुन्हा नव्याने कळते आहे
दोन विकल्पांमधेच उत्तर दडले होते
प्रश्न सोडला म्हणुन अता हळहळते आहे
थिजल्या होत्या काळजातल्या भावभावना
आपुलकीच्या शब्दाने विरघळते आहे
क्रूर नाट्य अनुभवले होते वात्सल्याचे
स्पर्शदंश ते जुने तरी कळवळते आहे
उभा ठाकला भूतकाळ साक्षात समोरी
खपली निघुनी जखम पुन्हा भळभळते आहे
छाटत जावे हात पाशवी समाजातले
इच्छा असुरी मनामधे वळवळते आहे
कडे कपारीतुनी जरी कोसळते आहे
लाट मनाची उंचच उंच उसळते आहे
अपुली त्रिज्या, व्यास आणखी परिघ ठरवला
वर्तुळ व्यापुन आनंदी सळसळते आहे
जयश्री अंबासकर  ..read more
गूढ माझ्या मनीचे !!
10M ago
प्रसंग मोठा बाका होता
मारेकरीच काका होता
कळले आधी म्हणुन थांबला
वळणावरती धोका होता
पावसातली भेट अचानक
पण तो आता परका होता
त्याच्यासाठी काळजातला
चुकला माझा ठोका होता
जखम लागली पुन्हा भळभळू
एक उसवला टाका होता
जवळपास मी सदा रहावे
एकच त्याचा हेका होता
आनंदी आहेस ना अता?
प्रश्नच त्याचा तिरका होता
आयुष्याच्या संध्याकाळी
परिसर ओकाबोका होता
✍️जयश्री अंबासकर ..read more
गूढ माझ्या मनीचे !!
1y ago
चुकते आहे काय नेमके समजत नाही
काय करावे, तेच नेमके उमजत नाही
नात्यामधले काय नेमके बिनसत आहे
त्याच्या माझ्यामधले काही उसवत आहे
नाते इतके तकलादू तर कधीच नव्हते
त्याच्या माझ्यामधे दुरावे कधीच नव्हते
तरी कशाने सोबत त्याची हरवत आहे
त्याच्या माझ्यामधले काही उसवत आहे
हरवत आहे हसणे हल्ली त्याचे माझे
मौनामधले झुरणे हल्ली त्याचे माझे
दुनियादारी ऐसीतैसी निभवत आहे
त्याच्या माझ्यामधले काही उसवत आहे
रुक्ष कोरड्या नात्यामधले क्षीण उसासे
उगा द्यायचे खिन्न मनाला फक्त दिलासे
आठवणींचे व्याकुळ मोहळ रडवत आहे
त्याच्या माझ्यामधले काही उसवत आहे  ..read more
गूढ माझ्या मनीचे !!
1y ago
९६ वे अखिल भारतीय साहित्य संमेलन... कविवर्य सुरेश भट गज़लकट्टा... सन्माननीय व्यासपीठावरचा गज़ल मुशायरा... शिस्तबद्ध नियोजन .... अत्यंत प्रतिभावान गज़लकारांसोबत व्यासपीठावर गज़ल सादर करायला मिळणं... समोर असलेले दर्दी रसिक ... मिळणारी उत्स्फूर्त दाद, गोपालचं जबरदस्त सूत्रसंचालन... गज़ल सादर करताना खूप समाधान मिळालं...
#९६वे_अखिल_भारतीय_साहित्य_ ..read more